“Ийгл" ТВ-ийн хөтлөгч Б.Жаргалмаа өнгөрсөн дөрөвдүгээр сарын эхээр тархины хавдартай болох нь тогтоогдсон билээ. Хэдийгээр хавдар нь хоргүй болохыг шинжилгээгээр тогтоосон ч нарийн төвөгтэй мэс заслыг яаралтай хийлгэх зайлшгүй шаардлагатай болсон учраас Тайланд улсыг зорьсон юм.
Тэгвэл сэтгүүлч Б.Жаргалмаа мэс заслаа амжилттай хийлгээд иржээ. Тэрбээр өнөөдөр “Ийгл" ТВ-ийнхээ "Зочны цаг" нэвтрүүлэгт оролцож, тусалж дэмжсэн бүх хүмүүст талархсан сэтгэлээ илэрхийллээ.
Тэрбээр ирэх 10 дугаар сараас ажилдаа орж, телевизийнхээ эфирээр үзэгч олонтойгоо уулзах нь.