Сургууль, цэцэрлэгүүд орчмын явган хүний гарцыг тэмдэгжүүлж байна

Нийслэлээс хүүхэд багачуудын  аюулгүй байдлыг хангах зорилгоор шат дараатай олон ажлуудыг хэрэгжүүлж байгаа.

Үүний нэг нь хүүхдүүдийг замын хөдөлгөөний осол гэмтэлд өртөхөөс урьдчилан сэргийлэх зорилгоор сургууль, цэцэрлэгийн орчимд явган хүний гарц хийж, хурд сааруулагч тавин, хашаа хайс байрлуулж  байгаа юм.

Энэ жилийн хичээлийн шинэ жил эхлэхээс өмнө нийслэлийн хэмжээнд  54 сургууль, цэцэрлэгийн орчимд явган хүний гарцын тэмдэглэгээг хийж дуусгахаар ажиллаж байна. Нийтийн үйлчилгээний “Улаанбаатар нэгтгэл”-ээс өгсөн мэдээллээр сургууль, цэцэрлэгүүдийн орчимд 2,000 метр квадрат явган хүний гарцын тэмдэглэгээг хийж байгаа юм байна.