Төв аймагт усанд осолдсон иргэний цогцсыг олжээ

Өчигдөр Төв аймгийн Борнуур сумын хоёрдугаар багийн завьтай хөвж явсан иргэн И эрэг дээр байгаа хүүхэд рүүгээ очихоор ус руу үсэрч ороод алга болсон явдал болжээ.

Энэхүү дуудлагыг аймгийн Онцгой байдлын газар өчигдрийн 18:36 цагт хүлээн авч Онцгой байдлын газрын 7 албан хаагч, 1 автомашин техник хэрэгсэлтэйгээр эрэн хайх, ажиллагааг зохион байгуулж өнөөдөр өглөө 07.00 цагт цогцсыг нь олсон байна.

Усанд осолдсон иргэн нь 30 орчим настай, эрэгтэй хүн байжээ.

Сүүлийн үед гол ус ихээхэн үерлэж, хур ихтэй байгаа учраас иргэдийн гол усны аюулаас сэрэмжлэхийг Онцгой байдлын ерөнхий газраас анхаарууллаа.