Нийслэлийн удирдлагын зөвлөлийн ээлжит хуралдаан болж, хуралдаанаар Улаанбаатар хотыг 2020 он хүртэл хөгжүүлэх Ерөнхий төлөвлөгөөг хэрэгжүүлэх нарийвчилсан төлөвлөгөөний төслийг танилцууллаа.
Нийслэлийн Засаг даргын Хот байгуулалт, Хөрөнгө оруулалтын асуудал хариуцсан орлогч С.Очирбат энэхүү асуудлыг танилцуулахдаа, Улаанбаатар хот нь төсвийн болон хэрэглээний бүх төрлийн ухаалаг шийдлийг дэмжин хэрэгцээнээс илүү төлөвлөлтгүй, илүү зардалгүй, ухаалаг хүрээлэн буй орчинд ээлтэй, эдийн засгийн эрч хүчтэй хот болохоор зорьж нарийвчилсан төлөвлөгөөний төслийг боловсруулсан гэж онцлов. Төлөвлөгөөний төслийг боловсруулахдаа нийслэлийн 9 дүүрэг, нутгийн захиргааны байгууллагууд болон яамд, төрийн захиргааны төв байгууллагуудаас анхан шатны санал авч нэгтгэжээ.
Ингэснээр Улаанбаатар хотын хөгжлийн ерөнхий төлөвлөгөөг хэрхэн хэрэгжүүлэх нарийвчилсан төлөвлөгөө бэлэн болж байна гэсэн үг юм. Төлөвлөгөөний төслийг боловсруулахад ЖАЙКА Олон Улсын байгууллагын зөвлөх дэмжлэг үзүүлсэн бөгөөд төлөвлөгөөг дүүрэг тус бүрээр нь гаргаж байгаагаас гадна, хэрэгжүүлэх оны дараалал, салбараар нь гэх мэтээр нарийвчлан гаргажээ.
Тодруулбал Нийгмийн хангамж үйлчилгээний чиглэлээр,
Мөн үйлдвэрлэл, технологийн парк байгуулах төсөл 21, гэр хорооллын дахин төлөвлөлтөөр 24 байршилд 71,290 айлын орон сууц, “Эко парк” байгуулах төслийн хүрээнд хогийн долоон үйлдвэр, Газар шинэчлэн зохион байгуулалтын төслийн хүрээнд 10,150 айл өрхийг инженерийн шугам сүлжээнд холбоно гэх мэтээр нарийвчлан тусгажээ.
Эдгээр төсөл арга хэмжээний саналыг нийслэлээс холбогдох салбарын яамдад хүргүүлж, Засгийн газарт өргөн барих юм.