“Архив албан хэрэг хөтлөлт, төрийн байгууллагын ажлын зохион байгуулалтын улсын үзлэг” явуулна

“Архив албан хэрэг хөтлөлт, төрийн байгууллагын ажлын зохион байгуулалтын улсын үзлэг” /цаашид үзлэг гэх/-т бэлтгэх ажлын хүрээнд цагдаагийн байгууллагын төв орон нутгийн газар, хэлтсүүдийн архив албан хэрэг хөтлөлтийн талаар хууль тогтоомжийн хэрэгжилт, ажлын зохион байгуулалтыг нь шалгаж, үйл ажиллагаааны түвшинг тогтоож, зөвлөмж чиглэл өгөх зорилгоор Цагдаагийн ерөнхий газрын дэд дарга, Улсын үзлэгт бэлтгэх ажлын хэсэг /салбар комисс/-ийн даргын баталсан удирдамжийн дагуу  2015 оны долдугаар сарын 25-ны өдрөөс наймдугаар сарын 20-ны өдрийн хооронд явуулж байна.

Үзлэгээр цагдаагийн газар, хэлтсүүдийг Хууль зүйн сайдын баталсан архив, албан хэрэг хөтлөлт, мэдээллийн технологи нэвтрүүлсэн байдал, төрийн байгууллагын ажлын зохион байгуулалтыг дүгнэх аргачлалуудын дагуу дүгнэж, байгууллагын архивын өрөөний зохион байгуулалт, архивын баримтын хадгалалт хамгаалалт, нөхөн бүрдүүлэлтийн байдал, архивын эрдэм шинжилгээ лавлагаа зохиож хөтөлсөн эсэх, архивын тоо бүртгэл хөтөлсөн эсэх,  байгууллагын тамга тэмдэг, хэвлэмэл хуудсын хадгалалт хамгаалалтын байдал, бүртгэл судалгаа байгаа эсэх зэрэг асуудлуудаар шалгаж, үнэлэлт дүгнэлт өгч цаашид анхаарах асуудлыг тодорхойлох юм.

Цагдаагийн байгууллагын хэмжээнд улсын үзлэгт бэлтгэх ажлын хэсгийг тусгайлан томилон, ажлын удирдамж төлөвлөгөөг нь батлан ажиллаж байна.

Эх сурвалж: ЦЕГ