Уншиж байна ...
Зураг
Зураг
ХУУЧИРСАН МЭДЭЭ: 2015/07/28-НД НИЙТЛЭГДСЭН

Бүрэн эрхт байдал, ардчилсан сонгуулийн өдрийг тэмдэглэнэ

ikon.mn
2015 оны 7 сарын 28
iKon.MN
Зураг зураг
Гэрэл зургийг Б.Баяр

Монгол Улсад анхны ардчилсан чөлөөт сонгууль явуулсан долоодугаар сарын 29-ний өдрийг Бүрэн эрхт байдал, ардчилсан сонгуулийн өдөр болгон тэмдэглэж байх Засгийн газрын тогтоол гарлаа.

Монгол оронд өрнөсөн ардчилсан хувьсгалын үр дүнд 1990 оны долоодугаар сарын 29-ний өдөр болсон Ардын Их Хурлын депутатуудыг сонгох 12, орон нутгийн хурлын депутатуудыг сонгох 16 дахь удаагийн сонгууль нь Монголын түүхэнд анх удаа олон нам оролцсон, ард иргэд өөрсдөө төрөө сонгон байгуулсан түүхэн сонгууль юм.

Мөн улс төрийн 6 намаас гадна олон нийтийн байгууллага, хувь хүн, хамт олноос нэр дэвшин өрсөлдөж, Монголын түүхэнд хамгийн олон нэр дэвшигчтэй, чөлөөт ардчилсан сонгууль болжээ.

Энэ жил анхны ардчилсан чөлөөт сонгуулийн 25 жилийн ой тохиож буй бөгөөд Монгол Улсын Ерөнхийлөгчийн энэ оны 03 тоот захирамжаар 2015 оны долоодугаар сарын 29-30-нд орон даяар тэмдэглэхээр шийдвэрлэсэн юм.