Компанийн тухай хуулийн 59 дүгээр зүйлийн 59.4-т заасны дагуу хувьцаат компанийн төлөөлөн удирдах зөвлөл (ТУЗ) нь тухайн компанийн хувьцаа эзэмшигчдийн ээлжит хурлыг санхүүгийн жил дууссанаас хойш дөрвөн сарын дотор буюу жил бүрийн 5 дугаар сарын 01–ний өдрөөс өмнө зарлан хуралдуулсан байх үүрэгтэй байдаг.
Хувьцаа эзэмшигчдийн ээлжит хурлаар тухайн компанийн жилийн үйл ажиллагааны болон санхүүгийн тайлангийн талаарх мэдээлэл, дүгнэлтийг хэлэлцэж баталдаг учир хувьцаа эзэмшигчдийн хувьд компанийнхаа үйл ажиллагааны болон санхүүгийн байдал, үр ашгийн тухай мэдээлэл авах, мөн түүнчлэн компанийн ТУЗ-ийн гишүүд, гүйцэтгэх удирдлагатай нүүр тулан уулзаж асуулт асууж хариулт авах замаар хувьцаа эзэмшигчийн нийтлэг эрхээ хэрэгжүүлдэг.
Өөрөөр хэлбэл жижиг хувьцаа эзэмшигчдийн хувьд компанийн хувьцаа эзэмшигчдийн ээлжит хурал нь санал өгөх эрхээ хэрэгжүүлэх, мэдээлэл авах боломжийг олгодог.
Өнөөдрийн байдлаар Монголын хөрөнгийн бирж дээр үнэт цаас нь арилжаалагдаж буй нийт 169 ХК-иас 2015 оны 5 дугаар сарын 21-ний өдрийн байдлаар 149 ХК буюу 88.2 хувь нь хуульд заасан хугацаанд хувьцаа эзэмшигчдийн хурлаа зарлан хуралдуулсан дүнтэй байгаа нь өнгөрсөн оны мөн үетэй харьцуулбал 9.6 хувиар өссөн үзүүлэлттэй байна.
Мөн нийт хувьцаат компанийн 79.3 хувь буюу 134 ХК 2014 оны жилийн эцсийн санхүүгийн тайлангаа Санхүүгийн зохицуулах хороонд ирүүлсэн дүнтэй байна.
Хувьцаат компаниудын хууль тогтоомжоор хүлээсэн үүргийн биелэлт жилээс жилд сайжирч байгаа боловч доорх нэр бүхий 20 ХК-иуд хувьцаа эзэмшигчдийн хурлаа зарлан хуралдуулж, холбогдох баримт материалаа ирүүлээгүй байгаа ажээ.
Иймд эдгээр хувьцаат компаниуд хувьцаа эзэмшигчдийн ээлжит хурлаа хуульд заасан хугацаанд зарлан хуралдуулаагүй тул Компанийн тухай хуулийн 59.5-д зааснаар дээрх нэр бүхий ХК-иудын төлөөлөн удирдах зөвлөл нь хувьцаа эзэмшигчдийн хурлыг зарлан хуралдуулахаас бусад бүрэн эрхгүй болсныг Санхүүгийн зохицуулах хорооноос мэдээллээ.
Хувьцаа эзэмшигчдийн хурал хуралдуулаагүй хувьцаат компаниудын жагсаалт
№ |
Хувьцаат компанийн нэр |
Байршил |
---|---|---|
1 |
Ар тархи ХК |
Хөвсгөл аймаг, Тариалант сум |
2 |
Арилжаа импекс ХК Стандарт ноос |
Баянхонгор аймаг Захирлын нэр: Ё.Энхтөр
|
3 |
Баянталбай ХК |
Дорнод аймаг, Чойбалсан сум |
4 |
Бороогийн үйлдвэр ХК |
Сэлэнгэ аймаг |
5 |
Бүтээлч үйлч ХК |
Улаанбаатар, Налайх, 2-р хороо Утас: 976-033-3217 Факс: 70233217 Захирлын нэр: Г. Тамир
|
6 |
Глобал Монголиа Холдингс ХК |
Хаяг: Улаанбаатар хот, Сүхбаатар дүүрэг, 1-р хороо, Чин Ван Чагдаржавын гудамж, Махаяана төв, 2 давхарт |
7 |
Дархан хөвөн ХК |
Дархан-Уул аймаг, Дархан сум, 15-р баг |
8 |
Дөрвөн-уул ХК |
Улаанбаатар, Баянзүрх дүүрэг, Амгаланбаатар-32 |
9 |
Ёврофе Азиа ХК /Солонго экспрес/ |
Улаанбаатар, Баянгол дүүрэг 4-р хороо |
10 |
МҮДИКС ХК |
УБ БГД 12-р хороо 6-р бичил хороолол, 28-р сургуулийн баруун гар талын хашаа |
11 |
Өргөн хэрэглээ ХК |
Баян-Өндөр сум |
12 |
Увс хүнс ХК |
Увс аймаг, Улаангом сум |
13 |
Улаансан ХК |
Увс аймаг, Баруун урт сум |
14 |
Уран барилга ХК |
УБ, БГД 18-р хороо |
15 |
Харшийн гэгээ |
Өвөрхангай Арвайхээр сум |
16 |
Хуртай ХК |
Дархан уул аймаг, Орхон хороо |
17 |
Цагаан Чулуут ХК |
Хөвсгөл аймаг, Мөрөн сум |
18 |
Чандмань тал ХК |
Дорнод аймаг Чойбалсан сум |
19 |
Эрдэнэт-Зандан ХК |
Орхон аймаг, Баян Өндөр сум |
20 |
Эрчим Баян-Өлгий |
Баян Өлгий аймаг, Өлгий сум |
Нийт ХК-иудын хуулиар хүлээсэн үүргийн хэрэгжилт, үйл ажиллагааны болон санхүүгийн тайлангийн мэдээлэл, ногдол ашгийн талаарх дэлгэрэнгүй мэдээлэлтэй www.frc.mn, www.mse.mn цахим хуудсанд хандан танилцах боломжтой.
Эх сурвалж: Санхүүгийн Зохицуулах Хороо