"Рио Тинто” болон Казахстаны төрийн өмчит “Казгеология” компаниуд тус улс дахь зэсийн “Коргантас” ордыг ашиглах хамтарсан компанийг өнгөрсөн хоёрдугаар сард байгуулсан юм.
Уг төслийг хэрэгжүүлэхийн тулд эхний шатанд эрэл хайгуул, аэрогеофизикийн судалгааны ажлыг дөрөвдүгээр сард эхлүүлэхээр төлөвлөж байна.
Энэ ажлын үр дүнд ордын эрдсийн агууламж, эрдсийн нөөцийн хэмжээг JORC стандартын дагуу тогтоох юм. Эрэл хайгуул, судалгааны ажлын нийт өртөг зургаан сая ам.долларыг “Рио Тинто” компанийн хөрөнгө оруулалтаар хийхээр болжээ.