Монгол Улсын Их Хурлын дарга З.Энхболд энэ сарын 5-7-ны өдрүүдэд Дундговь, Өмнөговь аймагт ажиллахаар өнөөдөр Улаанбаатараас мордлоо.
УИХ-ын дарга орон нутагт томилолтоор ажиллах эхний өдрөө Дэлгэрцогт сумын бүтээн байгуулалтын ажилтай танилцах юм. Үүний дараа Мандалговийн иргэдтэй уулзалт хийн, “Шинэ сум” төсөл хэрэгжүүлж буй Гурвансайхан суманд ажиллана.
УИХ-ын даргыг УИХ-ын гишүүн Б.Наранхүү, Ц.Баярсайхан, Д.Бат-Эрдэнэ, УИХ-ын даргын ахлах зөвлөх С.Ламбаа болон албаны бусад хүмүүс дагалдан явж байгаа аж.