ХУУЧИРСАН МЭДЭЭ: 2015/01/30-НД НИЙТЛЭГДСЭН
Найман улстай дипломат харилцаа тогтоохыг дэмжлээ
open.parliament.mn
УИХ-ын чуулган
Улсын Их Хурлын чуулганы өнөөдрийн үдээс өмнөх хуралдаанаар Монгол Улсаас гадаадын зарим улстай дипломат харилцаа тогтоох тухай Улсын Их Хурлын тогтоолын төслийг хэлэлцүүллээ.
Төслийн тухай Гадаад хэргийн сайд Л.Пүрэвсүрэн, Аюулгүй байдал, гадаад бодлогын Байнгын хорооны санал дүгнэлтийг УИХ-ын гишүүн Л.Болд нар тус тус танилцуулав. Монгол Улс
- НҮБ-ын гишүүн Бүгд Найрамдах Уганда Улс,
- Бүгд Найрамдах Руанда Улс, Холбооны Микронез Улс,
- Бүгд Найрамдах Гаити Улс,
- Бүгд Найрамдах Кирибати Улс,
- Экваторын Гвиней Улс,
- Бүгд Найрамдах Чад Улс,
- Бүгд Найрамдах Маврики Улстай тус тус дипломат харилцаа тогтоохыг чуулганы хуралдаанд оролцсон гишүүдийн олонх дэмжиж улмаар холбогдох тогтоолын төслийг баталлаа.
Энэ онд Монгол Улс НҮБ-ын гишүүн 10 гаруй улстай дипломат харилцаа тогтоохоор үргэлжлүүлэн ажиллах ажээ.
