Энэ хичээлийн жилд сурагчдад 132 автобус үйлчилж байна

Нийслэлийн  ЕБС-ийн сурагчдыг осол гэмтэлд орохоос урьдчилсан сэргийлэх, аюулгүй байдлыг хангах зорилгоор сурагчдын автобусаар хүүхдүүдийг тээвэрлэх үйлчилгээг үзүүлж байгаа.

2014-2015 оны хичээлийн жилд 7 дүүргийн 5 цэцэрлэг, 48 сургуулийн 132 автобусаар давхардсан тоогоор 7909 суралцагчийг зөөж байна.

• Төрийн бус өмчийн 25
   
• Төрийн өмчийн 23 сургууль
   
• Төрийн бус өмчийн 4
   
• Төрийн өмчийн 1 цэцэрлэгт хүүхдийн автобус явж байгаа аж.

Нийтийн тээврийн газартай хамтран зохион байгуулж байгаа энэхүү үйлчилгээнд 12 дугаар сарын 10-ны байдлаар 23781 суралцагч хамрагдсан гэсэн тооцоог нийслэлийн Боловсролын газраас гаргажээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.