В.Путин: Нефтийн үнэ 80 ам.долларт хүрвэл дэлхийн эдийн засаг сүйрнэ

ОХУ-ын Ерөнхийлөгч В.Путин Италийн Милан хотноо болсон Ази-Европын чуулга уулзалтын дараа, “Нэг баррель газрын тосны үнэ 80 ам.долларт хүрвэл дэлхийн эдийн засаг тэр чигтээ сүйрэх аюултай.

Үнэ үүнээс доош буух нь дэлхийн аль ч улс оронд ашиг тустай биш.

Тус түүхий эдийн гол олборлогч орнууд тус тусын төсвөө газрын тосны дэлхийн зах зээл дэх үнэ 80 ам.доллараас дээш байхаар тооцоолж хийсэн.

ОХУ гэхэд төсвөө нэг баррель нефть 96 ам.доллар байна гэж хийсэн. Мэдээж энэ түүхий эдийн үнэ унасныг бодолцон бид төсөвтөө тодотгол хийхээс өөр аргагүй.

Гэхдээ манай улс иргэдийнхээ өмнө хүлээсэн нийгмийн халамжийн бүх үүргээ бүрэн гүйцэтгэнэ. Тэгээд ч нефтийн үнэ эргээд өсөн зах зээлд оролцогч улс орон бүрт зохистой түвшинд эргээд очин гэдэгт эргэлзэхгүй байна” гэжээ.

Одоогийн байдлаар нэг баррель газрын тосны үнэ хоёр өдрийн дотор 1.8 хувиар өсөн 85,98 ам.долларт хүрээд байгаа юм.