Prophecy Coal Зэлтэрийн боомтыг хөгжүүлэх зөвшөөрөл авлаа
Prophecy Coal корпораци Сэлэнгэ аймгийн Зэлтэрийн боомтыг хөгжүүлэх зөвшөөрлийг Монголын Хил Боомтын Үндэсний Зөвлөлөөс авчээ. Уг зөвшөөрөлд "Ерөнхий Хөгжлийн төлөвлөгөө"-г батлаад, Хилийн Боомтын Ерөнхий Газрыг Prophecy Coal-ийн хөгжлийн төвлөгөөг хэрэгжүүлэхэд нэн даруй арга хэмжээ авч ажиллахыг даалгажээ.
Дараагийн алхам нь Улаан Овоо ба Зэлтэрийн боомтыг холбох 17 км замын ТЭЗҮ-г Зам Тээврийн яамаар батлуулж зөвшөөрөл авах юм.
Мөн Монголын Гаалийн Ерөнхий газартай хамтран ажиллаж гаалийн шалган нэвтрүүлэх бүсийг Улаан Овоогийн ордод байгуулахаар ажиллаж байна.
Компани энэ ондоо багтаан Зэлтэрийн боомтоор нүүрсээ тээвэрлэж эхлэхийг зорьж байгаа. 2014 онд Сүхбаатараар дамжуулан бүтээгдэхүүнээ амжилттай борлуулжээ. Бүтээгдэхүүний дундаж үнэ 50-65 ам.доллар байгаа боловч хаана хүргэж буйгаас хамаарч үнэн нь хэлбэлзэлтэй байгаа аж.
Богино хугацаанд Prophecy Coal нь ОХУ-ын Буриадад чанартай нүүрс нийлүүлдэг гэдгээрээ танигдаж чадсан байна. Иймээс Улаан Овоогийн гол зах зээл нь ОХУ байх ба Зэлтэрийн боомтыг нээснээр тээврийн зардлыг хэмнэж өрсөлдөх чадвараа сайжруулах юм. Хувьцааны ханш 0.98 хувиар өсөөд байна.
