“Намрын ногоон өдрүүд” нэгдсэн арга хэмжээний албан ёсны нээлт өнөөдөр “Дүнжингарав” худалдааны төвд боллоо. Энэхүү үйл ажиллагааг ҮХАА-н яамнаас жил бүрийн өдийд зохион байгуулдаг бөгөөд хүн амын хүнсний хангамжийг сайжруулах, үндэсний үйлдвэрлэгчид, малчид, тариаланчдын шилдэг бараа бүтээгдэхүүн, шинэ ургацын дээжийг ард түмэндээ таниулан сурталчлахыг зорьдог билээ.
Энэ жилийн “Намрын ногоон өдрүүд”-эд,
Тухайлбал, Говь-Алтай аймгийн иргэн н.Өлзий-Орших гуай цулхирын болоод сулийн гурилаар үзэсгэлэн худалдаанд оролцож байна.
Цулхирын гурилыг элэг, цөс, бөөр, настны ядаргаа, нялхасын шээс задгайрахад хэрэглэдэг бол сулийн гурилыг даралт багадах, ядарч нойргүйдэхэд /шар тосонд багсарч/ хэрэглэдэг аж.
н.Өлзий-Орших гуайн хэлж буйгаар цулхирын гурилыг Их Монгол элсэнд ургадаг нэн ховор ургамлаас гарган авдаг бөгөөд ихээхэн хөдөлмөр шаарддаг тул нэг кг-ыг нь 25 мянган төгрөгөөр үнэлэхээс аргагүй гэж байв.
“Намрын ногоон өдрүүд” арга хэмжээнд оролцож байгаа ногоочдын хувьд нэг хүн дунджаар 5-20 тонн хүнсний ногоотой иржээ. Мөн утсан загас, зөгийн бал ч авчирсан байна.
Ногоочдын хэлж буйгаар төмс, лууван, манжин, байцаа, сонгино гэсэн гол нэрийн ногооны борлуулалт сайн байгаа бол хулуу, чинжүү, эрдэнэ шиш зэрэг нарийн ногооны борлуулт тааруухан байна гэсэн.
Дашрамд дурдахад, Монгол орны хөрсөнд ургасан шинэхэн ногооны тус худалдаа энэ сарын 26-н хүртэл үргэлжлэх аж.
“Намрын ногоон өдрүүд” арга хэмжээнд худалдан борлуулж буй бүтээгдэхүүний үнэ ханш:
Нэр |
Үнэ/1кг |
---|---|
Төмс |
800 төгрөг |
Лууван |
800 төгрөг |
Байцаа |
600 төгрөг |
Шар манжин |
800 төгрөг |
Хүрэн манжин |
800 төгрөг |
Сонгино |
800 төгрөг |
Улаан лооль |
1500-2500 төгрөг |
Өргөст хэмх |
1500 төгрөг |
Тарвас |
1500-2000 төгрөг |
Чинжүү |
2500-3000 төгрөг |
Амтат чинжүү |
3000 төгрөг |
Сармис |
8000-10000 төгрөг |
|
|
Утсан загас |
3000-10000 төгрөг |
Зөгийн бал |
15000-18000 төгрөг |
Даршилсан хөмүүл |
4000-5000-5500 төгрөг |
|
|
Чихэртэй ааруул |
10000-12000 төгрөг |
Чихэргүй ааруул |
8000-10000 төгрөг |
Хорхой ааруул |
8000 төгрөг |
Аарц |
7000 төгрөг |
Ээзгий |
8000 төгрөг |
Зөөхий |
7000 төгрөг |
ФОТО: