Уншиж байна ...
Зураг
Зураг
ХУУЧИРСАН МЭДЭЭ: 2014/07/23-НД НИЙТЛЭГДСЭН

Манай улсын батлан хамгаалах салбарын 150 алба хаагч Туркт боловсрол эзэмшжээ

ikon.mn
2014 оны 7 сарын 23
iKon.MN
Зураг зураг

- Албан мэдээ -

Монгол Улсын Батлан хамгаалах яамны Төрийн нарийн бичгийн дарга, хошууч генерал З.Болдбаатар тэргүүтэй төлөөлөгчид энэ сарын 19-23-ны өдрүүдэд Бүгд Найрамдах Турк Улсад зочилж байна.

Хоёр улсын батлан хамгаалах аж үйлдвэрийн байгууллагуудын хамтын ажиллагааны санамж бичигт тусгасан ажлын биелэлтийг  дүгнэж, цаашдын төлөвлөгөө, зорилтоо тодорхойлов.

Турк Улсад бэлтгэх боловсон хүчний тоог нэмэгдүүлэх, цэргийн эдийн засгийг сайжруулах, цэргийн аж үйлдвэрийг хөгжүүлэх чиглэлээр бүх талаар хамтран ажиллахад бэлэн байгааг хошууч генерал З.Болдбаатар дурдаад Батлан хамгаалахын сайд Д.Бат-Эрдэнийн мэндчилгээг уламжлав. 

Манай улсын батлан хамгаалах салбарын 150 гаруй алба хаагч Туркт боловсрол эзэмшсэнээс 2 нь генерал цолонд хүрч, амжилттай ажиллаж байгааг мэдэгдэв.

Туркийн БХЯ-ны Техник технологи, төлөвлөлтийн газрын орлогч дарга, бригадын генерал Мустафа Авжы манай төлөөлөгчдийг найрсгаар хүлээн авч уулзан, байгууллагынхаа бүтэц, зохион байгуулалт, үйл ажиллагааны талаар тодорхой ярьж танилцуулав. 

Мөн Туркийн Батлан хамгаалах яамтай хамтран ажилладаг компаниудын танилцуулга, бараа бүтээгдэхүүний талаар мэдээлэл хийлээ.