Хятадаас импортолсон хүнс гэдэсний савханцартай байжээ
ОХУ-ын Хөдөө аж ахуйн хяналтын газраас Хятадаас импортолсон давсалж, хатаасан 20 тонн загаснаас гэдэсний савханцар, хар тугалга, их хэмжээний бактери илэрсэн тухай мэдэгдлээ.
Мэдэгдэлд “Лабораторийн шинжилгээгээр импортын бүтээгдэхүүн нь ОХУ-ын эрүүл ахуйн шаардлага хангахгүй нь батлагдсан. Гурван тонн хатаасан загаснаас гэдэсний савханцраас гадна хар тугалга байх ёстой хэмжээнээс 1.5 дахин их илэрсэн.
13.5 тонн загаснаас бактери 36, хар тугалга 1.6 дахин их хэмжээтэй гарсан. Тиймээс худалдааны чөлөөт эргэлтээс хүний эрүүл мэндэд аюул учруулах хүнсний бүтээгдэхүүнийг хасахаар шийдвэрлэсэн” гэж бичжээ.
Хятадын “Longkou Runsheng Foodstuffs Co.,Ltd” компани бүтээгдэхүүнээ Шаньдун мужаас Владивостокийн боомтоор оруулжээ.
