Уншиж байна ...

Өнгөрсөн сард улсын хэмжээнд 10.5 сая тонн ачаа тээвэрлэсэн нь өмнөх оны мөн үеэс 26%-аар өссөн үзүүлэлт

М.Батчимэг, ikon.mn
2024 оны 5 сарын 9
IKON.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Зам тээврийн салбар энэ оны дөрөвдүгээр сард улсын хэмжээнд бүх төрлийн тээврээр 10.5 сая тонн ачаа тээвэрлэсэн талаар Зам, Тээврийн Хөгжлийн Яамнаас мэдээллээ. 

Энэ нь өмнөх оны мөн үеэс 25.7%-аар өссөн байна. Харин өссөн дүнгээр буюу эхний дөрвөн сард 38.9 сая тонн ачаа тээсэн нь өмнөх онтой харьцуулахад 20.9%-аар нэмэгджээ. 

Бүх төрлийн тээврээр 2024 оны дөрөвдүгээр сард 14.2 сая зорчигч (давхардсан тоогоор) зорчсон нь өмнөх оны мөн үетэй харьцуулахад 6.6%-аар өссөн бол оны эхнээс өссөн дүнгээр 48.9 сая зорчигч зорчсон нь өмнөх оны мөн үеэс 3.7%-аар нэмэгдсэн үзүүлэлт аж. 

2024 оны дөрөвдүгээр сард: 

  • Авто тээврээр 13.9 сая зорчигч зорчсон нь өмнөх оны мөн үеэс 6.7%-аар нэмэгдсэн байна.
  • Агаарын тээврээр 138.7 мянган зорчигч зорчсон нь өмнөх оны мөн үеэс 34.3%-аар өсжээ.

Мөн сард Монгол Улсын авто замын боомтоор нийт 73,198 ачаатай тээврийн хэрэгсэл нэвтэрсэн байна. 

Үүнээс 11,222 тээврийн хэрэгсэл орсон нь өмнөх оны мөн үеэс 31.1%-аар, 61,976 тээврийн хэрэгсэл гарсан нь өмнөх оны мөн үеэс 5.6%-аар тус тус өссөн дүнтэй байгаа аж.