Уншиж байна ...
Зураг
Зураг
ХУУЧИРСАН МЭДЭЭ: 2019/11/07-НД НИЙТЛЭГДСЭН

ХААН Банк нийгмийн хариуцлагыг хэрэгжүүлэгч Азийн шилдэг байгууллагаар тодорлоо

СУРТАЛЧИЛГАА
2019 оны 11 сарын 7
Сурталчилгаа
Зураг зураг

Тогтвортой хөгжил болон компанийн нийгмийн хариуцлагаар амжилттай манлайлал үзүүлж буй байгууллага, хувь хүмүүсийг тодруулан өргөмжилдөг “The Asia Corporate Excellence & Sustainability Awards” шалгаруулалтын дүн саяхан гарч, ХААН Банкийг нийгмийн хариуцлагыг хэрэгжүүлэгч Азийн шилдэг байгууллагаар зарлалаа.

Уг шалгаруулалтыг тогтвортой хөгжил, манлайллын чиглэлээр Азийн хэмжээнд зөвлөх үйлчилгээ үзүүлдэг MORS групп 2014 оноос санаачлан зохион байгуулж ирсэн бөгөөд томоохон болон жижиг дунд бизнесүүд нийгэмдээ хэрхэн үнэ цэнийг бүтээж, хувь нэмрээ оруулж буйг үнэлэн тодруулдаг юм. ХААН Банкны тогтвортой хөгжил, нийгмийн хариуцлагыг хэрэгжүүлэгч ХААН Банк Сангийн хувьд энэ бол олон улсын хэмжээнд хүртэж буй анхны нэр хүндтэй  том шагнал юм.

ХААН Банк Монгол Улсын өнцөг булан бүрт салбар нэгжтэй, салбартаа тэргүүлэгч  хамгийн том банкны хувьд компанийн нийгмийн хариуцлагыг хэрэгжүүлэх зорилтын хүрээнд үндэсний хэмжээнд томоохон төслүүдийг тогтвортой хэрэгжүүлж ирсэн билээ. 2007 онд компанийн нийгмийн хариуцлагын ажлуудаа системтэй хэрэгжүүлэх зорилгоор хувийн хэвшлүүдээс анхлан дэргэдээ ХААН Банк Санг байгуулж, улс орны эдийн засаг, нийгэмд бодитой хувь нэмэр оруулан компанийн нийгмийн хариуцлагаар манлайлж ирсэн. Үүнийг үнэлэн энэ чиглэлд дотоодын олон шагнал хүртэж байснаас МҮХАҮТ-аас жил бүр тодруулдаг “Компанийн нийгмийн хариуцлагыг хэрэгжүүлэгч-Оны онцлох Энтрепренер” шагналыг 10 удаа авч байсан юм.

ХААН Банк Сан үүсэн байгуулагдсанаас хойш өнгөрсөн 12 жилийн хугацаанд нийт 390 гаруй төсөл, хөтөлбөрийг 4.3 тэрбум төгрөгөөр санхүүжүүлэн, 100 гаруй байгууллага, хувь хүмүүс болон ТББ-тай хамтран ажиллаж, нийгмийн сайн сайханд бодитой хувь нэмэр оруулсаар ирсэн. 2018 оноос ХААН Банк нийгмийн хариуцлагын ажлуудаа өргөтгөн банкны бүхий л үйлчилгээ, үйл ажиллагаандаа тогтвортой хөгжлийн зорилгуудыг шингээх том зорилго тавин ажиллаж байна. Цаашид ХААН Банкны тогтвортой хөгжлийн загварыг ажил хэрэг болгон байгаль орчин, нийгэм, эдийн засаг, хүн ардад ээлтэй үйлчилгээ, үйл ажиллагаа, хөтөлбөртэй байгууллага болж, Монгол Улсдаа төдийгүй бүс нутагтаа сайн жишээг хуваалцахаар зорьж байна.

Бид нийгмийн сайн сайханд бодитой хувь нэмэр оруулсаар...

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.