Нийслэлийн Боловсролын газар, нийслэлийн Хөдөлмөр эрхлэлтийн газар болон Улаанбаатар смарт карт компаниас хамтран Оюутнуудын нийтийн тээврээр зорчих Смарт картын олголт, сунгалтын талаар өнөөдөр мэдээллээ.
Нийслэлийн Боловсролын газрын Захиргааны хэлтсийн дарга Г.Мөнхбилэг "Энэ жил их, дээд сургуулийн оюутнуудад цахим карт олгохтой холбоотойгоор НБГ-ын даргын 2019 оны зургаадугаар сарын 14-ний удирдамж гарсан.
Тус удирдамжийн дагуу их, дээд сургуулиуд наймдугаар сарын 26-30-ны өдрүүдэд шинээр болон дахин захиалах хүсэлтэй оюутнуудынхаа карт захиалах хүсэлтийг авч, наймдугаар сарын 30-наас есдүгээр сарын 5-ны хооронд нийслэлийн Боловсролын газарт оюутнуудынхаа материалыг ирүүлэх ёстой.
Бид есдүгээр сарын 6-наас хойш сургуудиудын оюутны тооноос хамааран ажлын 3-10 хоногт Смарт картыг олгохоор төлөвлөж байна.
Нэмж хэлэхэд, их дээд сургуулиуд удирдамжийн маягтын дагуу оюутнуудын материалыг заавал цаасаар болон файлаар бүрэн ирүүлэх шаардлагатай" гэлээ.
Нийслэлийн Хөдөлмөр эрхлэлтийн газрын Хөдөрмөр эрхлэлтийн хэлстийн дарга Г.Ганзориг "Нийслэлийн хөдөлмөр эрхлэлтийн газар нь жил бүр Мэргэжлийн боловсрол сургалтын төв болон Политехник коллежийн оюутнуудад нийтийн тээврээр зорчих Смарт карт олгодог.
Өнгөрсөн жил бид 11,795 оюутанд олгосон бол 2019-2020 оны хичээлийн жилд нийт 14,194 оюутанд Смарт карт олгохоор төлөвлөж байна.
Ингэхдээ Багшийн дээдийн Сонор плаза төвийн таван давхарт байрлах Цагийн ажлын биржээр дамжуулан олгох юм" гэв.
"Улаанбаатар Смарт карт" ХХК-ийн Хамтын ажиллагааны мэргэжилтэн Х.Хонгорзул "Зөвхөн есдүгээр сараас арванхоёрдугаар сарын хооронд оюутны Смарт карт сунгалтыг Улаанбаатар Смарт карт компанийн байранд хийдэг байсан бол энэ жилээс компанийнхаа байранд есдүгээр сараас зургаадугаар хүртэлх сунгалтыг хийхээр болсон.
Тиймээс заавал Нийслэлийн боловсролын газраар дамжих шаардлагагүй. Смарт картдаа сунгалт хийлгэх оюутнууд өөрсдийн картыг болоод сунгалт хийх төлбөр төлсөн баримттай сургуулийнхаа сургалтын албанд хандах хэрэгтэй.
Их, дээд сургуулийн оюутнууд нийтийн тээврээр хөнгөлөлттэй зорчих цахим карт олгоход дараах материалыг бүрдүүлнэ.
Ингэхдээ өөрийн сургуулийн сургалтын алба болон сургуулийн захиргаагаараа дамжуулан өгөх шаардлагатай.
Шинэ олголт
Дахин олголт /хаяж гээсэн,гэмтээсэн/
Сунгалт
Дахин олголт+Сунгалт /хаяж гээсэн, гэмтээсэн/