Өнгөрсөн амралтын өдрүүдэд /2019.04.20-21/ Тээврийн цагдаагийн албаны Жижүүрийн шуурхай удирдлагын хэлтэс зам тээврийн ослын шинжтэй 334 дуудлагыг хүлээн авч шалгажээ.
Ослын улмаас нийслэлд нэг, орон нутагт нэг хүний амь нас хохирч, 6 хүн гэмтэж бэртсэн бөгөөд 3 нь хүүхэд байна.
Гарсан ослуудаас сэрэмжлүүлэх зорилгоор дурдвал:
Нийт ослын тав нь явган зорчигч мөргөж гэмтээсэн, 12 нь мөргөлдөх хэлбэрээр, үл хөдлөх зүйл мөргөсөн 4 осол бүртгэгджээ.
Амралтын хоёр өдөрт согтуугаар тээврийн хэрэгсэл жолоодсон 103 жолоочийг илрүүлэн хуулийн дагуу хариуцлага тооцсон байна.