СТАТИСТИК: Монгол Улсад ажиллаж, суралцахаар гадаадын 13,200 иргэн иржээ
Манай улсын хилээр 2019 оны эхний улиралд давхардсан тоогоор 1.3 сая зорчигч нэвтэрсэн нь өмнөх оны мөн үеэс 54,200 буюу 4.5%-аар өссөн дүн.
Улсын хилээр орж ирсэн зорчигчдын
- 40.2% нь Замын-Yүд
- 17.6% нь Буянт-Ухаа
- 12.1% нь Гашуун сухайт
- 11.1% нь Алтанбулаг
- 6.7% нь Шивээ хүрэн
- 12.3% нь бусад боомтоор орсон байна.
Улсын хилээр 2019 оны эхний улиралд гадаадын 88.6 мянган хүн орсон нь өмнөх оны мөн үеэс 2.7 (3.1%) мянгаар өсжээ. Тэдний 83.6 хувь нь 30 хүртэл хоног, 14.6 хувь нь 90, түүнээс дээш хоног, 1.8 хувь нь 30-аас 90 хүртэл хоногийн хугацаагаар ирсэн байна.
Гадаадын зорчигчдын 75.4 (85.1%) мянга нь аялал жуулчлалын зорилгоор хилээр орсон нь өмнөх оны мөн үеэс 4.8 (6.9%) мянгаар өссөн тоо. Хилээр орсон гадаадын зорчигчдын 13.2 (14.9%) мянга нь ажиллах, суралцах болон байнга оршин суух зорилгоор иржээ.
Өмнөх оны мөн үеэс
- Хонг Конг (БНХАУ) улсын жуулчид 159 (81.5%), Тайвань (БНХАУ)-ийнх 104 (72.7%)
- БНАСАУ-ынх 44 (71.0%)
- Австри улсынх 22 (31.9%) хүнээр ӨССӨН бол
- Турк улсынх 217 (48.8%),
- Индонезийнх 22 (28.2%),
- Испани улсынх 21 (22.6%) хүнээр БУУРЧЭЭ.
Улсын хилээр орсон гадаадын зорчигчдын 84.7 (95.7%) мянга нь насанд хүрэгч, 3.8 (4.3%) мянга нь хүүхэд байна.
Тэдгээр нийт иргэдийн
- 39.5%- БНХАУ
- 30.0 хувийг ОХУ
- 9.1%-ийг БНСУ
- 3.3%-ийг Япон
- 2.5%-ийг АНУ
- 2.4%-ийг Казахстан
- 13.2%-ийг хувийг бусад улсын иргэд эзэлж байна.
Манай улсын давхардсан тоогоор 548.8 мянган иргэн 2019 оны эхний улиралд гадаадад зорчсоноос 395.5 (72.1%) мянга нь хувийн журмаар явжээ.
Улсын хилээр 2019 оны эхний улиралд давхардсан тоогоор 597.9 мянган тээврийн хэрэгсэл нэвтэрсэн нь өмнөх оны мөн үеэс 37.2 (6.6%) мянгаар өссөн дүн юм. Тэдгээрийн 38.1 хувийг ачааны машин, 29.1 хувийг суудлын машин, 30.7 хувийг ачааны вагон, 2.1 хувийг бусад тээврийн хэрэгсэл эзэлжээ.
