Гишүүдийг түдгэлзүүлэх прокурорын саналыг хэлэлцэх УИХ-ын дэд хороод өнөөдөр хуралдана

УИХ-ын дөрвөн гишүүний  бүрэн эрхийг түдгэлзүүлэх саналыг УЕПГ-аас өчигдөр хүргүүлсэн. Гэвч өнөөдөр зарим хэвлэлээр УЕПГ-аас тийм санал УИХ-д хүргүүлээгүй гэсэн мэдээлэл цацагдаад байна.

Прокурорын байгууллага өмнөх орой нь ирүүлсэн бичгээ маргааш нь өглөө нь ийнхүү үгүйсгэх ямар шалтгаан байв. Албаны эх сурвалжуудын хэлж буйгаар Халдашгүй байдлын болон Ерөнхий хяналтын дэд хороод өнөөдөр хуралдахаар товлогдоод буй. Уг дэд хороодоор прокуророос ирсэн саналыг хүлээж авах эсэхийг хэлэлцэх аж. Үүний дараа УИХ дахь МАН-ын бүлэг хуралдахаар товлогджээ.   

Үүнээс харахад прокуроос дөрвөн гишүүний бүрэн эрхийг түдгэлзүүлэх санал ирсэн нь баттай болж таарав. Харин дэд хороод, намын бүлгийн ирц бүрдэж хуралдаж чадах уу гэдэг л асуудал болоод байна.