Багшийн цалин нэмүүлэх түр хорооноос Засгийн газарт багшийн цалинг 1.6 сая төгрөг хүртэл нэмүүлэх шаардлага тавьсан. Засгийн газраас үе шаттайгаар 30 хувь нэмэхээр ажиллаж байна гэсэн хариу ирүүлсэн боловч багш нар уг саналыг хүлээж авсангүй.
Тэд төлөвлөж байснаараа өнөөдөр буюу есдүгээр сарын 21-нд ажил хаялтаа эхлүүлжээ. Ажил хаялт 08:00 цагаас эхэлсэн бөгөөд 17:00 цаг хүртэл үргэлжилнэ.
Орон даяар болж буй ажил хаялтын нэгдсэн дүнг хувьчилж харуулбал:
Улсын хэмжээнд: ЕБС-ийн багш нарын 60 хувь нь, СӨБ-ын багш нарын 50 хувь нь
Улаанбаатар хотын хэмжээнд: ЕБС-ийн багш нарын 55 хувь нь, СӨБ-ын багш нарын 40 хувь нь ажил хаяж байгаа гэж түр хорооны баруун бүс хариуцсан зохицуулагч Г.Энх-Амгалан мэдээллээ.