2017/10/22
Америк доллар
МОНГОЛ БАНК:
2,455.77₮
B34
УЛААНБААТАР
|
-4°
B30
УЛААНБААТАР
11°
|
-3°
B34
УЛААНБААТАР
|
-3°
09:00
S32
-3°
10:00
S32
11:00
S32
12:00
S32
13:00
S32
14:00
S32
15:00
S32
16:00
S32
17:00
S32
18:00
S32
19:00
S32
20:00
S32
Энэ мэдээ хуучирсан буюу 2017/08/11 -нд нийтлэгдсэн мэдээ болно.

Африкийн дүрвэгчид Испани руу “довтолж” эхэллээ

Р.Төмөр, ikon.mn
2017 оны 8 сарын 11
iKon.MN

Африкаас Европыг зорих дүрвэгсдийн урсгал сүүлийн үед Испанийг чиглэх болсноор Испани улс 2017 онд дараачийн Грек болох өндөр магадлалтай болжээ.

Өмнө нь Африкчууд Ливийн эргээс Итали руу Газар дундын тэнгисээр хөвж цагаачилдаг байсан нь хаагдсаны улмаас баруун чиглэлд буюу Морокко-Испаний чиглэл рүү шилжиж эхэлсэн байна. Ингэж шилжсэн дүрвэгчдийн тоо 8,000 гараад байгааг судалгааны байгууллагууд мэдээлжээ. Харьцуулбал 2016 оны ижил хугацаанд энэ тоо 2,500 байсан юм.

Өнгөрсөн Лхагва гарагт Кадиз орчмын наран шарлагын газарт амарч байсан хүмүүс нэгэн гайхмаар үзэгдлийн гэрч болжээ. Амрагчдын нүдэн дээр хийлдэг завьтай дүрвэгчид эрэгт бууж, тэр дороо гүйлдэн алга болж байгаа дүрс интернэтэд тарсан юм.

Өчигдөр буюу Пүрэв гарагт мөн адил замаар дүрвэгчид Испаний эрэгт газардсан тухай албаныхан мэдээлжээ. Тарифа орчмын Далайн Аврах төвийн дарга Хосе Маравер “Өдөр бүр завь, өдөр бүр дүрвэгчид. Байдал улам хүндэрч байна” хэмээн нөхцөл байдлыг тодорхойлсон байна.

Өнгөрсөн Даваа гарагт 200 орчим дүрвэгч Мороккогийн хилийн шалгах цэгийг дайран хүчээр нэвтэрсэн бөгөөд хилийн офицер тэдэнд гишгэгдэн хөлөө хугалсан гэнэ. Мөн өчигдөр 700 орчим Африкчууд дайрсныг Мороккын цагдаа нар няцааж чаджээ. Тэд заримдаа зэвсэглэн дайрч байгаа нь байдлыг улам бүр муутгаж байна.

2014 оноос хойш хагас сая гаруй дүрвэгч Африкаас Италид хүрсэн тоо бий. Тэгвэл энэ урсгалыг Ливийн эрэгт хүчээр хязгаарлах болсноор дүрвэгсдийн шинэ зам нь Испани болжээ.

 

Эх сурвалж: Telegraph

 

x