Гахайнаас хүнд эрхтэн шилжүүлэхэд нэг алхам ойртлоо
Гени засварлах шинэ технологийн тусламжтайгаар гахайнаас хүнд эд эрхтэн шилжүүлэх чиглэлд томоохон алхам хийсэн туршилтыг эрдэмтэд амжилттай гүйцэтгэжээ.
CRISPR-Cas9 гэгддэг генид засвар хийх технологийг ашиглаж Харвардын их сургууль, eGenesis компани хамтран гахайны үр хөврөлийг хүнд хортой вирусгүйгээр бий болгож чадсан байна. Гахайнд байдаг уг вирус нь хүний биед нэвтэрвэл үхлийн аюулд хүргэдэг юм байна.
Туршилтын үр дүн өчигдөр буюу Пүрэв гарагт Science сэтгүүлд нийтлэгджээ. Тайланд өгүүлснээр эрдэмтэд гахайны биед байдаг PERVs (Porcine Endogenous Retroviruses) вирусгүй 37 ширхэг гахайн үр хөврөлийг лабораторид бий болгож чадсан тухай мэдээлсэн байна.
Гахайн эд эртхэнг хүнд шилжүүлэхэд уг вирус нь саад болдог аж. Ингэснээр цаашдаа зүрх, элэг, уушги зэрэг ховор эрхтнүүдийг гахайнаас хүнд шилжүүлэн суулгаж болдог болох гэнэ. Гэхдээ ийм шилжүүлэлтийг албан ёсоор зөвшөөрөхийн өмнө гахайнаас хүн дүрст мичэнд шилжүүлэх туршилтыг хийж, үр дүнг нь ажиглах ёстой. Тиймээс бодитой хэрэгжиж эхлэх хүртэл дахиад хэдэн жилийн хугацаа шаардлагатай байгаа ажээ.
Эх сурвалж: Mashable
