Германы шүдний эмч нар иргэдэд үнэ төлбөргүй үзлэг, эмчилгээ хийж байна

Монгол Улсын Эрүүл мэндийн сайдтай 2017 оны тавдугаар сарын 21-ний өдөр байгуулсан гэрээний хүрээнд ХБНГУ-ын “Хил хязгааргүй шүдний эмнэлэг” сангийн шүдний нарийн мэргэжлийн эмч нар Төв аймагт ажиллаж байна.Тус сангийн шүдний эмч нар энэ сарын 18-наас ирэх сарын 28-ныг хүртэл хоёр ээлжээр Төв аймгийн нийт 20 сумын иргэдэд шүд, амны хөндийн эрүүл мэндийн тусламж үйлчилгээг үнэ төлбөргүй үзүүлэх юм.

Нийт 2 их эмч, 2 туслах ажилтан, 1 монгол шүдний эмч, орчуулагч нарын бүрэлдэхүүнтэй нийт 11 багаас нэгдүгээр ээлжийн 10 герман шүдний эмч хуваарийн дагуу тус аймгийн Эрдэнэ, Архуст, Баян, Баянжаргалан, Бүрэн, Дэлгэрхаан, Эрдэнэсант, Лүн, Өндөрширээт, Алтанбулаг, Зуунмод суманд үзлэг хийж эхлээд байна.

Харин хоёрдугаар ээлж ирэх сарын 8-наас 29-нд Заамар Хайлааст, Цээл, Угтаал, Борнуур, Батсүмбэр, Баяндэлгэр, Мөнгөнморьт, Сэргэлэн, Зуунмод сумд ажиллана.