Уншиж байна ...
Зураг
Зураг
ХУУЧИРСАН МЭДЭЭ: 2017/07/25-НД НИЙТЛЭГДСЭН

“Цайны зам”-ыг сурталчлах “Монгол-Хятадын аялал жуулчлалын өдөрлөг” амжилттай болж, өндөрлөлөө

С.Бадрал, iKon.mn
2017 оны 7 сарын 25
iKon.MN
Зураг зураг

БОАЖЯ-наас хөрш орнуудын аялал жуулчлалын хамтын ажиллагааг өргөжүүлэх, “Цайны зам” брэндийг сурталчлах хүрээнд энэ сарын 22-23-нд “Монгол-Хятадын аялал жуулчлалын өдөрлөг”-ийг зохион байгууллаа.

Уг арга хэмжээ нь Цайны замын олон улсын холбооны 2017 оны ажлын төлөвлөгөөнд тусгагдсан ажил бөгөөд Хятадын талаас аялал жуулчлалын төрийн байгууллага, хэвлэл мэдээллийн хэрэгсэл, аялал жуулчлалын байгууллага, хүүхэд багачуудын төлөөлөл бүхий нийт 460 орчим хүн оролцсон юм.

ОХУ, Монгол, БНХАУ гурван улс дамнасан “Цайны зам” аялал жуулчлалын брэндийг хөгжүүлэх хүрээнд 2016 оны долоодугаар сард БНХАУ-ын Хөх хотноо гурван улсын сайд нарын анхдугаар хуралдаан болж байсан.

Тэгвэл дээрх өдөрлөгийн хүрээнд Монгол-Хятадын цайны замын олон улсын аялал жуулчлалын форум өнгөрсөн амралтын өдрүүдэд амжилттай болж өнгөрлөө.

Энэ үеэр “Цайны зам” бренд бүтээгдэхүүнийг сурталчилах, хоёр орны аялал жуулчлалыг өргөжүүлэх зэрэг асуудлыг хөндсөн. Хуучин цагийн Цайны замыг сэргээж, хэрхэн аялал жуулчлалаар хөгжүүлэхэд хоёр тал саналаа хуваалцаж нэгдсэн шийдэлд хүрэх тухай ярилцав.

Эртнээс улбаатай Цайны замын хөгжлийн явцад гурван улсын хамтын ажиллагаа, аялал жуулчлал хөгжих бүрэн боломжтой гэж талууд байр сууриа илэрхийлсэн юм.

Дэлхийд аялал жуулчлалын салбарраа тэргүүлэх Хятад улсын түүхэн туршлагаас хуваалцаж, цайны замын жимийг орчин цагт шилжүүлэх нь гурван орны эдийн засгийн коридороор дамжуулан энэ салбарыг дэлхийд сурталчилах бүрдэнэ гэдгийг онцолж байв.”

Цайны зам нь Монгол Улсын нийслэл хотын түүхэнд чухал нөлөө үзүүлсэн гэж үздэг. Олон өдөр аялаж яваа жинчид Сибирийн тайгийн хамгийн өмнөд хэсэг, их аян замын тэг голд нь байрлах Богд уулын ар, Хатан туулын эрэгт буудалладаг байжээ.

Энэ нь өнөөгийн Улаанбаатар өргөжин хөгжихөд санамсаргүй нөлөө үзүүлсэн гэдэг. Тиймээс өдөрлөгийн хүрээнд Хятадын талаас 44 аялалын автомашин бүхий аялагчид ирсэн юм.

Мөн Монгол-Хятадын аялал жуулчлалын өдөрлөгийн үеэр Хятадын талаас 20 орчим хэвлэл мэдээллийн алба ирж сурвалжлан шууд эфирээр 1.5 тэрбум хүнтэй, Хятад орон даяар дамжууллаа.

 

Эх сурвалж: БОАЖЯ