ФОТО: Түймэртэй тэмцэгч иргэд
Өнөөдрийн байдлаар Сэлэнгэ аймгийн Ерөө, Мандал, Хүдэр, Төв аймгийн Батсүмбэр, Эрдэнэ сумдын нутагт түймэртэй байна.
Наадмаас хойш үргэлжлэн асаж буй түймрийг унтраахаар ажиллаж буй онцгой байдлын алба хаагчдад иргэд сайн дураар нэгдэн тусалж буй.
Иргэд хандив цуглуулж, мөнгөн тусламж үзүүлэхээс гадна хоол хүнс, уух ус, багаж хэрэгслээр дэмжлэг үзүүлж байна.
Түймрийг унтраахад туслах, хувь нэмрээ оруулах хүсэлтэй иргэд цахим орчинд нэгдэж, Гал сөнөөгчдөд туслах групп нэртэй бүлгэмийг үүсгэсэн. Үүнд одоогоор 60,000 орчим хүн нэгджээ.
Хоол хувцас, эд материалын тусламж, хандив тасралтгүй ирсээр байгаа аж. Үүнээс гадна Онцгой байдлын ерөнхий газраас иргэдийн хүсэлтийн дагуу албан ёсны хандивын данс нээжээ. Бүлгэмийн гишүүд хандивын мөнгийг албан ёсны данс руу нэгтгэж, түймэр унтраах зориулалтын онгоц авах, түрээслэх ажилд нэмэр болох санал гаргаж байна.
Түймрийн голомтод очиж туслах хүсэлтэй иргэд долоодугаар сарын 15-наас эхлэн төв талбайд цуглаж Төв аймгийн Батсүмбэр суманд гарсан гал түймрийг унтраахаар ажиллаж буй Онцгой байдлын алба хаагчдад тусалхаар явжээ. Гэхдээ энгийн иргэд түймрийн голомт руу орохгүй бөгөөд онцгой байдлын албан хаагчдын хоол ундыг бэлтгэх, хандив тусламжийг хүргэх, ус зөөх зэрэг үйлсэд зүтгэж буй юм.
ФОТО
Гэрэл зургийг mpa.mn
