ХУУЧИРСАН МЭДЭЭ: 2017/07/07-НД НИЙТЛЭГДСЭН
ФОТО: Төв цэнгэлдэхэд эхэлсэн Урианхай сурын харваа
iKon.MN
Гэрэл зургийг mpa.mn
Тулгар төрийн 2226 жил, Их Монгол Улсын 811 жил, ардын хувьсгалын 96 жилийн ойн их баяр наадам урианхай сурын харваагаар эхэлж, нийт 172 харваач цэц мэргэнээ сорьж байна.
Урианхай сурын харваа Төв цэнгэлдэх хүрээлэн дэх сурын талбайд өнөөдөр 19:00 цаг хүртэл үргэлжилнэ.
Урианхай сурын харвааг томоохон хэмжээний баяр наадмаар харвадаг бөгөөд нум сумыг шүтэн дээдлэж, сурын харвааны эртний хатуу чанд уламжлалт зан заншлыг мөрдөж иржээ.
Урианхайчууд хаврын тэргүүн сарын шинийн 15-нд үзүүрийг нь нийлүүлж боосон гурван модонд үхрийн шир тэлж татсан байг 50 орчим метрийн зайнаас харвадаг байжээ. Эдүгээ наадмын төрөл болсон бөгөөд үхрийн ширэн байг сураар орлуулан тавьж оролцогч тус бүр дөрвөн сум тавьж цэц мэргэнээ сорьдог. Тэрхүү суран байг “чих” хэмээнэ. Эхний чихийг “магнай” гэж нэрлэн, ономогц “магнай хагарлаа” хэмээн уухайлдаг. Хоёр дахь сурыг “тэгнээ”, гурав дахийг “ганзага”, дөрөв дэхийг “уяа” гэнэ.
ФОТО
Гэрэл зургийг Mpa.mn
