ХУУЧИРСАН МЭДЭЭ: 2017/07/04-НД НИЙТЛЭГДСЭН
ФОТО: "Эрмитаж дахь ноён уулын эрдэнэс", "Иран дахь Монгол өв соёл" номын нээлт
iKon.MN
Гэрэл зургийг Mpa.mn
"Эрмитаж дахь ноён уулын эрдэнэс", "Иран дахь Монгол өв соёл" номын нээлтийн ёслол өнөөдөр Ерөнхийлөгчийн дэргэдэх Иргэний танхимд боллоо.
Монгол Улсын Ерөнхийлөгч Цахиагийн Элбэгдорж 2011, 2012 онуудад ОХУ болон Исламын бүгд найрамдах Иран улсад хийсэн айлчлалын үеэр тохиролцсон хэлэлцээ, санамж бичигт тусгасан ажлыг хэрэгжүүлэх хүрээнд эдгээр номыг олон нийтийн хүртээл болгож байгаа юм.
Сүүлийн 5 жилийн турш ШУА-ийн Түүх археологийн хүрээлэнгийн судлаачид ажиллаж, “Эрмитаж дахь Ноён уулын эрдэнэс” номыг бүтээсэн бөгөөд уг номд Ноён уулаас олдсон бүх олдвор (2,900 гаруй)-ыг багтаажээ.
Харин Монгол, Ираны талын хамтарсан судалгааны хүрээнд “Иран дахь Монгол өв соёл” бүтээлийг Ерөнхийлөгчийн Тамгын газрын дэмжлэгээр хэвлэн гаргасан байна.
Энэхүү бүтээл нь Ил хаант улсын зоос, уран барилга, шашны талаар авч хэрэгжүүлсэн бодлого, Исламын ертөнцөд үзүүлсэн монгол хаадын нөлөө, үлдээсэн өв соёлын тухай өгүүлсэн аж.
Фото
Гэрэл зургийг Mpa.mn
