Ерөнхий Боловсролын Сургууль төгсөгчдийн хамгийн хариуцлагатай цаг үе болох Элсэлтийн Ерөнхий Шалгалт маргааш буюу 2017 оны зургаадугаар сарын 14-ний 12:00 цагт Монгол хэл, бичгийн шалгалтаар эхэлнэ.
Энэ жил ЭЕШ-д нийт 40,388 шалгуулагч бүртгүүлсэн байна.
Нийт шалгуулагчдын хичээл сонголтыг хичээл тус бүрээр авч үзвэл математикийн хичээлийг хамгийн их сонгосон байна. Дэлгэрэнгүй мэдээллийг дараах графикаас харна уу.
ЭЕШ-д бүртгүүлсэн нийт шалгуулагчдын тоог хүйсээр нь авч үзвэл 18,435 нь эрэгтэй, 21,953 нь эмэгтэй байна.
Түүнчлэн шалгуулагчдын 17,499 нь Улаанбаатар хотод бүртгүүлсэн бол 22,889 шалгуулагч хөдөө орон нутгаас бүртгүүлжээ.
Энэ жилийн Элсэлтийн Ерөнхий Шалгалт марааш буюу зургаадугаар сарын 14-нд эхэлж 18-ныг дуустал дөрвөн өдөр үргэлжилнэ.
Монгол хэл, бичгийн болон Элсэлтийн Ерөнхий Шалгалтын бүртгэл орон даяар 2017 оны хоёрдугаар сарын 1-нд эхэлж, дөрөвдүгээр сарын 14-нд дууссан юм.
Эх сурвалж: Боловсролын Үнэлгээний Төв