Нэр дэвшигчдийн сурталчилгаа маргааш эхэлнэ
Монгол Улсын Ерөнхийлөгчийн ээлжит сонгууль зургаадугаар сарын 26-ны өдөр болно. Үүнтэй холбогдуулан нэр дэвшигчдийн сонгуулийн сурталчилгаа хуулийн дагуу маргаашаас албан ёсоор эхэлнэ.
Нэр дэвшигчид 18 хоногийн турш сонгогчдод мөрийн хөтөлбөрөө танилцуулах юм. Энэ удаагийн Ерөнхийлөгчийн сонгуульд МАН-аас М.Энхболд, Ардчилсан намаас Х.Баттулга, МАХН-аас С.Ганбаатар гэсэн гурван нэр дэвшигч өрсөлдөх эрхээ авсан билээ.
Эдгээр нэр дэвшигчид 21 хоногийн хугацаанд аймгуудаар орж, мөн нийслэлийн есөн дүүрэгт иргэд, сонгогчидтойгоо уулзалт хийх учиртай.
Дашрамд дурдахад, энэ удаагийн Ерөнхийлөгчийн сонгуульд өрсөлдөгч гурван нэр дэвшигч МҮОНРТ-ээр шууд мэтгэлцэх асуудлаар гурван намын Ерөнхий нарийн бичиг нар МҮОНРТ- ийн удирдлагатай өнгөрөгч амралтын өдөр уулзаж ярилцжээ.
