Дэлхий

Есдүгээр сарын 25-нд Иракийн Курдүүд тусгаар тогтнолын санал хураалтыг зохион байгуулахаар төлөвлөөд байгаа. Вашингтон, Европын орнууд, Турк, Иран бүгд энэхүү санал хураалтыг эсэргүүцэж байгаагаа илэрхийлсэн бол Иракийн засгийн газар энэ ажиллагааг үндсэн хууль зөрчиж байна хэмээн үзэж, Курдистаны засаг захиргааг тусгаар тогтнох үзлээсээ ухрахыг уриалаад байна.

Хар тамхины дуулианд нэр нь холбогдсон хүүгээ буруутай нь тогтоогдвол цаазлах тушаал өгөхөө Филиппиний ерөнхийлөгч Родриго Дутертэ мэдэгдлээ.

Германд 250 жилийн дараа анх удаа үзэгдсэн бизон үхрийг буудаж хөнөөх тушаал өгсөн орон нутгийн захиргаанд хариуцлага тооцно гэж Дэлхийн Байгаль Хамгаалах Сан (WWF) мэдэгджээ.

НҮБ-ын ерөнхий ассамблейн чуулганы индэрт АНУ-ын ерөнхийлөгчийн тавьсан 41 минутын урт илтгэл танхимд суусан төлөөлөгчдийн төдийгүй дэлхий нийтийн анхаарлын төвд байсан юм.

Дэлхийн улс орнууд цаг уурын өөрчлөлттэй тэмцэхээр Парисын гэрээнд нэгдэцгээсэн билээ. Уг гэрээнд нэгдэхээс татгалзаж, хоцорсон гурван улс байсны нэг болох Никарагуа улс сүүлийн өдрүүдэд Карибын тэнгисийн бүс нутагт дараалан тохиолдож буй байгалийн гамшгийн дараа санаагаа өөрчилсөн байна.

Британий кино найруулагчийн бүтээсэн Сталины үхлийн тухай инээдмийн киног ОХУ-д дэлгэцэнд гаргахыг хориглож магадгүй талаар тус улсын соёлын яам мэдээлжээ.

Гурван сар үргэлжилсэн яриа хэлэлцээрийн эцэст Японы томоохон компани Тошиба өөрийн санах ойн бизнесийг АНУ-ын Bain Capital хөрөнгө оруулалтын фирмийн тэргүүлсэн консерциумд зарахаар болсноо өчигдөр мэдээлжээ.

Мягмар гарагт АНУ-ын ерөнхийлөгч Дональд Трамп анх удаа НҮБ-ын индэр дээрээс үг хэлэхдээ Хойд Солонгосыг “бүрмөсөн сүйрүүлнэ” хэмээн сүрдүүлсэн юм.

Өнгөрсөн шөнө Японы зүүн эрэгт 6.1 магнитудын хүчтэй газар хөдлөлт болсон байна. Гэвч эрх баригчид одоогоор цунамигийн түргшүүр зарлаагүй байна.

НҮБ-ын ерөнхий ассамблейн индрээс АНУ-ын ерөнхийлөгч Дональд Трамп Ираны засгийн газрыг “бурангуй дэглэм”, “хүчирхийлэл, цус, үймээн самуун экспортлогч” хэмээн шүүмжилсний дараа бүгд Ираны ерөнхийлөгчийн хариу илтгэлийг хүлээж байв.

Өнгөрсөн оны ерөнхийлөгчийн сонгуульд Ардчилсан Намаас нэр дэвшиж байсан Хиллари Клинтон өчигдөр орой CBS сувгийн “The Late Show” хөтөлбөрт орж Владимир Путин, Дональд Трамп нарын тухай сонирхолтой яриа өрнүүлжээ.

Мягмар гарагт Мексикийн төв хэсэгт 7.1 магнитудын хүчтэй газар хөдлөлт болж, доод тал нь 120 хүн амь үрэгдэн, байшин барилгууд нурсан байна.

Өчигдөр буюу Мягмар гарагт Чехийн нэгэн амьтны хүрээлэн хар захын ханшаар $2 сая хүрэх үнэтэй, хирсний 33.5 кг эвэрнүүдийг шатааж устгажээ.

Өчигдөр НҮБ-ын ерөнхий ассамблейн чуулганд АНУ-ын ерөнхийлөгч Дональд Трамп анх удаа үг хэлсэн юм. Тэгвэл түүнийг үг хэлэхээр индэрт гарч ирэхийн өмнө чуулганд оролцож байгаа Хойд Солонгосын төлөөлөгч танхимаас гарч яван эсэргүүцлээ илэрхийлжээ.

Өчигдөр Москва хотын төвд АК-47 бууны зохион бүтээгч Михайл Калашниковт зориулсан хөшөө бослоо. Нээлтийн ажиллагаанд дээд албаны хүмүүсээс гадна Оросын үнэн алдартны шашны санваартнууд оролцжээ.